صميم العبدين

عبد الله وعبد الرحمن

Tuesday, July 03, 2007

مبروك للاهلي يا رجاله



طالما الناس كلها فرحانه أن الاهلي خد الكاس فلازم طبعا اعترف ليكوا اني اهلاوي صميم ومتعصب زي بابا وبحب أبوتريكه جدا جدا وكنت فرحان جدا لما الاهلي كسب الزمالك كالعاده ومكنتش متخيل ان الزمالك ممكن يكسب لسبب بسيط جدا ان بابا قبل الماتش كان واثق من الفوز وطول الماتش وانا شايف الناس كلها متعصبه ومتنرفزه وبابا مش اتفرج معايا زي كل مره كان عند جدو لكن ماما اللي دايما تضايق في بابا وتقول ان الزمالك هيكسب هقول لكم حاجه جامده جدا جدا كانت عماله تدعي ان الاهلي يكسب وكانت زعلانه انه مغلوب وأستغربت جدا هي بتشجع الاهلي والا بتحب تضايق بابا والمهم ان الاهلي كسب الكاس وقبله الدوري وانا اهلاوي ومش عايز اي مدون زملكاوي يزعل مني

والصوره دي وانا صغير شويه والطقم ده جدي مفيد جابوا ليا علشان البسوا يوم اي ماتش
أي خدمه يا جدي

:)

وعايزكوا تدعوا لجدو سيد علشان هو مسافر السعوديه يعمل عمره

وقولت له يجيب لي طاقيه وجالبيه

9 Comments:

  • At 12:39 AM , Blogger نورهان مفيد said...

    حبيب قلب عمتو
    أبو تريكة الصغير
    كل ماتش أهلي وزمالك بتكون عندنا
    ليه مجتش الماتش ده

    بس الحمدلله أننا كسبنا
    وبعدين أنت عايز الاهلي يكون بيشجعه عبدالله ويخسر
    ماينفعش طبعا

    ربنا يخليلك جدو مفيد وكل ما تكبر شوية هيجيبلك نفس الطقم بس أكبر شوية

    وربنا يجيب جدو سيد بالسلامة ياااااااااارب

     
  • At 6:50 AM , Anonymous عمتو ام عهد said...

    الف مبروك للاهلى ياحبيب عمتو يا ابوتريكه ياصغير وعقبال كل ماتش والاهلى يفوز ياحبيبى وحشتنى موت يابودى مع انك مش فاكرنى ياجبان وربنا مايحرمك من جدو مفيد ويخليه لينا كلنا يارب
    ويارب جدو سيد يرجع بالسلامه يارب ويجيبلك الطاقيه والجلابيه
    امال انت هتطلب ايه من بابا وهو جاى العمره قولى انا وانا ابعتلك معاه ياقلبى

     
  • At 8:27 AM , Blogger Nouran said...

    لا اهلاوي صميم شكلك اهلاوي ابا عن ابا كده يعني :)
    مبروووك للاهلي يا بودي

     
  • At 8:06 AM , Blogger حائر في دنيا الله said...

    ماشي يعم انا مش هزعل منك عشان انا زملكاوي وبحب ابو تريكة برضه بس ع العموم البنت بنتي هطلعها زملكاوية ومش هجوزهالك لو شفت حلمة ودنك انتا او ابوك
    :)

    مع حبي وتحياتي
    السلام عليكم

     
  • At 11:59 AM , Anonymous m@s said...

    وحياه ابوك يا عبد الله للتتغلبوا في كاس السوبر علشان ابوك يتبسط
    ده ذاللنا في كل حته
    بس سيبك انت
    انت احلي من ابو تريكه

     
  • At 12:44 AM , Blogger ibn nasser - ابن ناصر said...

    لا بص.. يا بيدو
    لازم تبقي زملكاوي انت اهلاوي كده وبكره هتبقي حزب وطني!!


    تحياتي

     
  • At 11:29 AM , Anonymous sameh said...

    ده انت وابوك هاتتطحنوا بسبب الاهلي ده
    ماشي يا يالا يا عبد الله
    امال وريتك انت وابوك

     
  • At 5:51 AM , Blogger mo'men mohamed said...

    بصراحة انا لا أهلاوى ولا زملكاوى ومكرهش حاجة فى حياتى قد حاجة اسمها كورة
    بس على العموم ربنا يحمى جدك و يرجعهولكم بالسلامة
    السلام عليكم

     
  • At 3:36 AM , Blogger سكوت هنصوت said...

    بيدو

    ازيك يا عبد الله...شوف يا حبيبي انا طنط مها..وبقولك من دلوقتي ما تسمعش كلام بابا في حكاية الأهلي و نادي القرن دي....المفروض تختار لنفسك النادي بتاعك...و احبك تعرف ان دائما اللون الأبيض علامة على النقاء والمحبة والسلام..و الناس في الحج بتلبس ابيض...و في الحر كمان عشان بيعكس الضوؤ

    لكن الأحمر..اعوذ بالله..لون النار والدم و الشياطين..والشيوعيين ولاد اللذينة..فعشان كده احب اقولك اختار بنفسك يا حبيبي تحب تكون بتشجع الملايكة ولا الشياطييييييين!!!؟؟؟؟\
    إمضاء المرأة العنكبوت
    ههههه

     

Post a Comment

Subscribe to Post Comments [Atom]

<< Home