صميم العبدين

عبد الله وعبد الرحمن

Sunday, October 14, 2007

أول سنه أصلي العيد

هييييييييييه أول سنه أصلي العيد مع بابا لان كل سنه ببقي نايم لكن بجد السنه دي كنت فرحان جدا لاني روحت المسجد مع بابا وصلينا في الشارع وكنت لابس زي بابا الجلبيه البيضا وقعدنا في الشارع وكان في ناس كتييييييييييره اوي وبعدها سمعنا الخطبه والناس اللي في المسجد وزعوا علي كل الاطفال اللي في المسجد أكياس كبيره فيها ملبس ولبان وشيكولاته وشيبسي ( اللمنوع اني أكله بفرمان من ماما وبابا ) وحاجات كتيره جدا وبلونه كبييييييره أوي وكان بيوزعوا كمان لعب بس بابا قالي هجيبلك اما نخرج وبعدها وقفنا أنا وبابا وزمايله فتره طويله وكانوا بيضحكوا وبيهرجوا وبيلعبوا معايا وانا كنت ايه مزقطط وبعدها طلعنا نمنا شويه وقمنا لبست بعدها لبس العيد اللي في الصوره اللي تحت وخرجنا. أيه رأيكم بقي في الشياكه دي ماما اللي منقيه الهدوم دي وكمان الكوتشي كان عامل أحلي شغل

9 Comments:

  • At 6:02 PM , Blogger Monzer said...

    ياسلام أول تعليق يا معلم

    بجد جلبية بيضة تمام شامم منها احلى ريحة

    لا وغلا طقم العيد ، والله كنت خايف يضحك عليك، ومايجبلكش حاجة
    بس زوق تمام
    روش طحن لوز لوزجى مانجالاوز
    ماتخدش بالك من الكلام ده خليك انت أحسن

    بجد كل سنة وانت طيب
    ويارب كل ايام تبقى عيد

     
  • At 8:12 PM , Blogger سكوت هنصوت said...

    بيدوووو

    كبرت ما شاء الله و بقيت بتروح تصلي العيد...و جلبية بيضا وكوتشي جامد...

    لا لا لا لا....كده البنات هتبص عليك يا بيدو...

    خلي شعارك في الحياة الزهد والتقشف...و خلي ماما ما تلبسكش حاجات غالية تاني..عشان شكلك بيبقى زي القمر والبنات هيعاكسوك..

    كل سنة وانت طيب يا حبيبي, وعقبال كل سنة يا جميل, المرة الجاية ان شاء الله, بس المرة الجاية مش هتروح لوحدك انت و بابا...

    كل سنة وانت طيب يا بودي

     
  • At 5:16 PM , Anonymous Anonymous said...

    جامده جدا فكره البلوج والابداع اللي فيه
    نادر

     
  • At 5:10 PM , Anonymous سلمى said...

    انت جميل اقوي يابودي وقمر خالص ملكش دعوه بناس الي بتكلم عن الزهد والتقشف انت لسه صغير البس ورينا الشياكه

     
  • At 5:10 PM , Anonymous سلمى said...

    انت جميل اقوي يابودي وقمر خالص ملكش دعوه بناس الي بتكلم عن الزهد والتقشف انت لسه صغير البس ورينا الشياكه

     
  • At 4:04 AM , Blogger فى القلب said...

    الله يا سيدى

    و الله العظيم زى القمر


    منقدرش على كده

     
  • At 9:05 PM , Anonymous هموسه said...

    همسة يارب يتفبل منك ياعم ادعلنا بالهدى بس اة ياعم الجلالبب الحلوة دى عبداللة ياجامد

     
  • At 12:05 PM , Anonymous نهلة said...

    أيه القمر دة يابودي عريسي حبيبي زي العسل ربنا يحميه روش طحن وعقبال ماتروح أنت وبابا بردة بس عبد الرحمن يكبر زيك ويروح معاكو ربنا يخليكو لبابا

     
  • At 12:05 PM , Anonymous نهلة said...

    أيه القمر دة يابودي عريسي حبيبي زي العسل ربنا يحميه روش طحن وعقبال ماتروح أنت وبابا بردة بس عبد الرحمن يكبر زيك ويروح معاكو ربنا يخليكو لبابا

     

Post a Comment

Subscribe to Post Comments [Atom]

<< Home